एजेन्सी – भारतीय क्रिकेट टोलीका पूर्व कप्तान महेन्द्र सिंह धोनीको जिवनमा आधारित चलचित्र एम.एस धोनीका प्रमुख कलाकार समेत रहेका बलिउडका चर्चित अभिनेता सुशान्तसिंह राजपुतले आत्महत्या गरेका छन्।

भारतीय संचारमाध्यमका अनुसार आईतबार उनले मुम्बईस्थित आफ्नै घरमा पासो लगाएर आत्महत्या गरेका छन् ।

आफ्नो करिअरको उच्च विन्दुमा रहेका राजपुतका एक पछि अर्को चलचित्रहरुले राम्रो प्रदर्शन गर्दै आएको थियो । टेलिभिजन क्षेत्र हुँदै बलियुडमा प्रवेश गरेका उनले छोटो समयमानै राम्रो छाप छोडन सफल भएका थिए ।

उनले सन् २०१३ मा काइपोचे नामक चलचित्रबाट बलियुडमा डेब्यु गरेका थिए । जून चलचित्र क्रिकेट खेलसँग सम्बन्धित रहेको थियो । जसमा उनले एक प्रशिक्षकको भूमिका निर्वाह गरेका थिए ।

त्यसपछि उनको अर्को चलचित्र सन् २०१६ मा आएको थियो । जुन थियो भारतीय क्रिकेट टोलीका सर्वाधिक सफल कप्तान मध्यका एक महेन्द्र सिंह धोनीको बायोपिक (जिवनमा आधारित ) चलचित्र एम. एस धोनी द अनटोल्ड स्टोरीमा उनले धोनीको भूमिका निर्वाह गरेका थिए ।

यस फिल्मले उनलाई बलियुडमा स्थापित गर्न ठूलो सहयोग गर्यो । चलचित्रमा उनले गरेको अभिनयले सबैको मन जित्न सफल पनि भएको थियो । ब्यापारीक हिसाबले पनि निकै राम्रो व्यापार यस फिल्मले गर्यो ।

यसपछि सुशान्तले बलियुडमा एक पछि अर्को राम्रो फिल्म गर्दै गए । एम.एस धोनी पछि उनले राब्ता, केदारनाथ,पीके, शुद्ध देशी रोमान्स,सोनचिडिया,डिटेक्टिभ बोमकेश बक्सी ड्राइभ ,छिछोरे जस्ता चलचित्रमा अभिनय गरे ।

३४ वर्षीय राजपुत मुम्बई बान्द्रास्थित अपार्टमेन्टमा बहिनीसँग बस्दै आएका थिए । उनको बाँकी परिवार भने पटनामा बस्दै आएका छन् ।

अहिले उनको शबलाई प्रहरीले पोस्टमार्टमका लागि पठाएको छ । प्रारम्भिक संचारमाध्यमका अनुसार डिप्रेसनमा उनि रहेको बताईएको छ ।