पुरुष फुटबलमा भुटानको विजयी सुरुवात
काठमाडौं ( अनलाइन खेलखबर ) | नेपालमा जारी दक्षिण एसियाली खेलकुद ( साग ) अन्तर्गत पुरुष फुटबलमा भुटानले विजयी सुरुवात गरेको छ ।
सागमा पहिलो जित हासिल गर्ने क्रममा भुटानले बंगलादेशलाई १-० गोल अन्तरले पराजित गर्न सफल भयो ।
दशरथ रंगशालामा भएको खेलमा भुटानले खेलको ६५ औं मिनेटमा गरेको एकमात्र गोल निर्णायक हुन पुग्यो ।
भुटानका लागि कप्तान चेंको एल्सेनले गरेको उक्त गोल अन्तत टिमलाई जित हासिल गर्ने पर्याप्त बन्यो ।
यस्तै सागमा आजनै दोस्रो खेलमा श्रीलंकाले माल्दिभ्सको सामना गर्दैछ भने आयोजक नेपालले पहिलो खेल भोलि ( मंगलबार) भुटानसँग खेल्नेछ । खेल दिउँसो १ बजेपछि हुनेछ ।
