असोज ३ ,अनलाइन खेलखबर ||काठमाडौमा जारी यु – १८ साफ च्याम्पियनसिप फुटबल प्रतियोगिताको उद्घाटन खेलमा आयोजक नेपाल र माल्दिभ्सले बराबरी खेलेका छ्न ।

हलचोकस्थित एपीएफ मैदानमा आज भएको उद्घाटन खेलमा साबिकको विजेता समेत रहेको नेपाल र माल्दिभ्सबीचको खेल १-१ को बराबरीमा सकिएको छ ।

खेलमा नेपालबिरुद्द पहिलो हाफमा माल्दिभ्सले १-० को अग्रता बनाईसकेको थियो । खेलको १३ औं मिनेटमा माल्दिभ्सले पेनाल्टीमार्फत गोल गरेको थियो ।

पहिलो हाफमा १-० ले पछि परेको नेपालले खेलको ७५ औँ मिनेटमा गोल गर्दै खेललाई बराबरीमा ल्याएको थियो ।

नेपालका लागि बराबरी गोल मनिश डाँगीले गरेका थिए । त्यसपछि बाकी समयमा कुनै टिमबाट गोल हुन नसकेपछी अन्ततः खेल बराबरीमा सकियो ।

अब नेपालले समूहको दोस्रो खेलमा आईतवार भुटानसँग प्रतिस्पर्धा गर्नेछ । खेल नेपाली समय अनुसार दिउँसो ३ बजेपछी हलचोक स्थित एपीएफ फुटबल मैदानमा हुनेछ ।