एजेन्सी। यूईएफए च्याम्पियन्स लिगको फाइनल खेलमा पराजित भएपछि पेरिस सेन्ट जर्मेन (पीएसजी) का ब्राजिलियन स्टार खेलाडी नेयमारले भावुक हुँदै हार खेलको एक पाटो भएको बताएका छन् ।
खेलपछि नेयमारले आफ्नो सामाजिक संजाल ट्विटरमार्फत उक्त भावना व्यक्त गरेका थिए । यस्तै च्याम्पियन बनेको बायर्न म्युनिखलाई उनले सोही ट्विटमार्फत बधाई पनि दिएका छन् ।
गएराति पोर्चुगलको लिस्बनमा भएको फाइनल खेलमा फान्सेली क्लब पेरिस सेन्ट जर्मेन (पीएसजी) लाई १-० ले पराजित गर्दै बायर्न छैटौं पटक च्याम्पियन बनेको थियो ।
निकै प्रतिष्पर्दात्मक बनेको फाइनल खेलमा ५९ औं मिनेटमा बायर्नले निर्णायक गोल गरेको थियो । टिमलाई च्याम्पियन बनाउने क्रममा किंग्सले कोमनले उक्त गोल गरेका थिए ।
लामो इतिहास बोकेको च्याम्पियन्स लिगमा पीएसजी पहिलो पटक फाइनलमा पुगेको थियो । तर पीएसजीले सोचे अनुरुप फाइनलमा प्रदर्शन गर्न नसक्दा पहिलो पटक च्याम्पियन बन्ने सपना अधुरोनै हुन् पुगेको छ ।
