एजेन्सी। ३० वर्षको अन्तरालपछि इंग्लिस प्रिमियर लिग फुटबलको उपाधि उचालेको लिभरपुल शुक्रबार भएको खेलमा अंकतालिकाको दोस्रोस्थानमा रहेको म्यान्चेस्टर सिटीसँग लज्जास्पद हार ब्यहोरेको छ ।

लिगमा सात खेल अगावैनै च्याम्पियन बनेको लिभरपुललाई सिटीले नराम्रो हार चखाएको छ । च्याम्पियनविरुद्ध गोलको वर्षानै गर्दै सिटीले लिभरपुललाई ४-० गोल अन्तरले पराजित गर्यो ।

खेलको २५ औं मिनेटमा पेनाल्टीमार्फत सिटीले अग्रता कायम गरेको थियो । टिमलाई सुरुवाती अग्रता दिलाउने क्रममा पेनाल्टीलाई केभिन डी ब्रूनेले सहि सदुपयोग गरे ।

पेनाल्टीमार्फत पहिलो गोल गरेपछी सिटीले त्यसको १० मिनेटपछि अर्को गोल थप्यो । दोस्रो गोल रहीम स्टर्लिंगले गरेका थिए। त्यसपछि पहिलो हाफको अन्त्यतिर फिल फोडेनले गोल गरेपछी सिटीले पहिलो हाफ भित्र ३-० को अग्रता बनाईसकेको थियो ।

पहिलो हाफमा ३-० ले पछि परेको अवस्थामा लिभरपुल थप दबाबमा आईसकेको थियो ।जसको फल स्वरुप लिभरपुलले सिटीलाई एक गोल उपहार स्वरुप प्रदान गर्यो । लिभरपुलका
ऑक्स्लेड-चेम्बरलेनले खेलको ६६ औं मिनेटमा आत्मघाती गोल गरेपछी लिभरपुल स्तब्ध बन्यो ।