onlinekhelkhabar.com

नेपालको डिजिटल खेल पत्रिका

सन्तोष साहुखल बने नेपाली लिगमा सय गोल गर्ने पहिलो खेलाडी

काठमाडौं ( अनलाइन खेलखबर ) | सहिद स्मारक ‘ए’ डिभिजन लिग फुटबलमा सय गोल गर्ने पहिलो खेलाडी सन्तोष साहुखल हुन सफल भएका छ्न ।

लिगको ईतिहासमा कीर्तिमान कायम गर्ने क्रममा सन्तोषले बुधबार भएको नेपाल पुलिस क्लबविरुद्द २ गोल गरेपछी उनको त्यो किर्तिमान पूरा भयो ।

त्रिपुरेश्वरस्थित दशरथ रंगशालामा भएको खेलमा नेपाल पुलिस र सन्तोषको टिम च्यासल युथ क्लबले २-२ सहित बराबरी खेलेका थिए ।

रोमान्चक बनेको खेलमा पुलिसका लागि निर कुमार राई र सुमन लामाले १/१ गोल गरेका थिए भने च्यासलका लागि दुवै गोल सन्तोष साहुखलले गरेका थिए ।

खेलमा पुलिसले खेलको पाँचौ मिनेटमा अग्रता कायम गरेको थियो । टिमलाई अग्रता दिलाउँने क्रममा निर कुमार राईले पहिलो गोल गरेका थिए ।

त्यसपछि खेलको १८ औं मिनेटमा सन्तोषले बराबरी गोल फर्काए । जुन गोल सन्तोष स्वयमका लागि पनि किर्तिमान कायम गर्न प्रयाप्त बन्यो ।

यसअघि ९९ औं गोल गरेका सन्तोषले त्यो गोलको सहयोगमा लिगमा सय गोल गर्ने पहिलो खेलाडी बन्न पुगे ।

यता खेलमा पुलिसले ४० औं मिनेटमा अर्को गोल थप्यो । टिमका लागि दोस्रो गोल सुमन लामाले गरेका थिए ।

पहिलो हाफमा २-१ ले पछाडी परेको च्यासल दोस्रो हाफ सुरु भएलगत्तै बराबरी गोल फर्कायो ।

बराबरीसँगै च्यासल ५ खेलबाट ५ अंकका साथका अंकतालिकाको १० औं स्थानमा रहेको छ । भने पुलिस समान ५ खेलबाट ८ अंकका साथ छैटौं स्थानमा रहेको छ ।

यता लिगमा आजनै भएको अर्को खेलमा थ्रीस्टारले मछिन्द्रलाई ३-१ ले पराजित गरेको थियो ।

प्रतिक्रिया दिनुहोस्