काठमाडौं( अनलाइन खेलखबर ) | नेपालका युवा खेलाडी सन्दिप लामिछानेको टिम कर्नाटक टस्कर्सले युएईमा जारी टि -१० लिगको आफ्नो पहिलो खेलमा दिल्ली वुल्सलाई १ सय ११ रनको विजयी चुनौती दिएको छ ।

शेख सायद स्टेडियम आबुधावीमा जारी खेलमा टस हारेर पहिले ब्याटिङ गरेको कर्नाटकले निर्धारित १० ओभर पुरै खेल्दै ५ विकेट गुमाएर १ सय १० रन बनाएको छ ।

दोस्रो ओभरको तेस्रो बलमा टिमको स्कोर १२ रन हुँदा ओपनर ब्याट्सम्यान तथा टिमका कप्तान हासिम अमलालाई ब्यक्तिगत ६ रनमा गुमाएको कर्नाटकले दोस्रो विकेटका रुपमा
जॉनसन चार्ल्सलाई १३ रनमा गुमाएको थियो ।

यस्तै टिमका लागी सर्बाधिक धेरै रन बनाएका उपुल थरंगाले ४८ रनको योगदान गरे भने शफीकुल्ला शफीकले पनि ३४ रन जोडे ।

बलिङतर्फ दिल्लीका रबि रामपलले २ तथा डेविड विली र दुशमंथा चमीराले समान १/ १ विकेट हात पारे ।

अब कर्नाटकले दिएको १ सय ११ रनको विजयी चुनौतीलाई पछ्याउँदै अबको केहि समयपछि दिल्लीले जवाफी ब्याटिङ गर्नेछ ।