onlinekhelkhabar.com

Complete website for Nepali Sports News

जिम्बावेबिरुद्दको खेलमा नेपालको १०० रन पूरा : दिपेन्द्रको राम्रो ब्याटिङ

असोज १० , अनलाइन खेलखबर || त्रिकोणात्मक सिरिज अन्तर्गत अहिले नेपालले पहिलो खेलमा टेस्ट मान्यता प्राप्त राष्ट्र जिम्बावेको सामना अहिले गरिरहेको छ ।

सिगांपुरस्थित ईन्डियन एसोसिएसनको खेल मैदानमा जारी खेलमा नेपालले ट्स जितेर यो समाचार तयार पार्दासम्म १८ ओभरमा ६ विकेट गुमाएर १ सय ८ रन बनाएको छ ।

पहिलोपटक टिममा समाबेश हुँदै राष्ट्रिय टिमबाट आजको खेलबाट डेब्यु गरेका ईशान पाण्डे पहिलो खेलमै असफल हुन पुगेका छ्न।

दोस्रो ओभरको अन्तिमबलमा टेनदाइ चतराको बलमा क्याच आउट भएका ईशानले एक चौकाको मद्धतमा ४ रन मात्र जोडन सफल भए ।

कप्तान पारस खड्कासँग ओपनिङ गर्न मौका पाएका ईशान असफल हुँदा मोहम्मद आरिफ शेखले पारसलाई केही छिन साथ दिए पनि उनिले पनि ठूलो पारी खेल्न सकेनन ।

दोस्रो विकेटका रुपमा पभेलियन फर्किएका आरिफले ८ रन बनाए । त्यसपछि कप्तान पारस खड्का ब्यक्तिगत १८ रन बनाएर आउट हुन पुग्दा टिम अझ दवाबमा आएको थियो ।

पारसले २२ बलको सामना गर्दै ३ चौकाको मद्दतमा उक्त रन बनाएका थिए । पारस लगत्तै टिमको विकेट पतनको सिलशिला रोकिएन जसमध्य टिमबाट डेब्यु खेल खेलेका कुशल मल्लले २ रन बनाए भने सन्दिप जोराले १७ रनको योगदान गरे ।

फाईल फोटो

त्यसपछि टिमलाई सम्हाने क्रममा उप – कप्तान दिपेन्द्र सिँह एरिले राम्रो प्रदर्शन गर्ने क्रममा ४० रनको योगदान गरे । ३३ बलको सामना गरेका उनले ५ चौकाको मद्दतमा उक्त रन बनाएका थिए । उनी क्याच आउट हुन पुगेका थिए ।

अहिले मैदानमा सोमपाल कामी र बिस्पोटक विकेटकिपर ब्याटसम्यान बिनोद भण्डारीले ब्याटिङ समालीरहेका छ्न ।

प्रतिक्रिया दिनुहोस्