onlinekhelkhabar.com

नेपालको डिजिटल खेल पत्रिका

स्थानिय श्रीलंकन क्लबसँग नेपालको युवा क्रीकेट टिम पराजित

भदौ १० , अनलाइन खेलखबर || एसिया कपको अन्तिम तयारीमा रहेको नेपाली यु – नाईन्टिन क्रीकेट टिम पहिलो अभ्यास खेलमा श्रीलंकन क्लब सिन्हालिज स्पोर्ट्स क्लबसँग ३ विकेटले पराजित हुन पुगेको छ ।

फोटो सौजन्य : रमन सिवाकोटी

खेलमा नेपालले प्रस्तुत गरेको २ सय ४१ रनको विजयी लक्ष्यलाई सिन्हालिज स्पोर्ट्सले ईनिङको अन्तिमबलमा ७ विकेट गुमाएर सो विजयी लक्ष्य पूरा गर्यो ।

बलिङतर्फ नेपालका पवन सर्राफले सर्वाधिक ३ विकेट हात पारे भने कमल सिंह ऐरिले २ तथा सागर ढकाल र सुर्य तामाङले समान १/१ विकेट लिन सफल भएका थिए ।

त्यसअघि वर्षाले प्रभावित गरेको खेलमा ट्स हारेर नेपालले पहिले ब्याटिङ गरेको थियो ।

वर्षाका कारण खेल ढिला हुनपुगेपछी खेललाई घटाएर ४२ ओभरमा खेलाईएको थियो ।

जसअनुसार नेपालले उक्त ओभर भित्र ७ विकेट गुमाएर २ सय ४० रनको योगफल खडा गरेको थियो ।

नेपालका लागि आशिफ शेखले सर्बाधिक ८८ रनको योगदान गर्दा पहिलो विकेटका लागि पवन सरार्फ र रित गौतमले ५८ रनको साझेदारी गर्दै टिम लाई राम्रो सुरुवात दिएका थिए ।

सरार्फले ३० तथा रित गौतमले ३१ रनको पारी खेलेका थिए । यस्तै सन्दिप जोराले ३३ रनको योगदान गरेका थिए ।

सेप्टेम्बर ५ देखि १४ तारिखसम्म श्रीलंकामा हुने एसीसी यू–१९ एसिया कप खेक्नु अघि श्रीलंकामा नेपालले अरु थप दुई अभ्यास खेल खेक्ने कार्यक्रम रहेको छ ।

प्रतिक्रिया दिनुहोस्