असार २५ ,अनलाईन खेलखबर ।। ईङ्ल्याण्डमा जारी १२ सस्करणको आईसीसी एकदिवसीय विश्वकप अन्तर्गत पहिलो सेमीफाइनल खेलमा भारतलाई १८ रनले पराजित गर्दै न्युजिल्याण्ड लगातार दोस्रो पटक विश्वकपको फाइनल प्रवेश गरेको छ ।

वर्षाले प्रभावित गरेको खेलमा मंगलबारको खेललाई आज बुधवार निरन्तरता दिने क्रममा न्युजील्याण्डले प्रस्तुत गरेको २ सय ३८ रनको विजयी लक्ष्य पछ्याउँदै जवाफी ब्याटिङ् गरेको भारतले ४९.३ ओभरमा सबै विकेट गुमाएर २ सय २१ रनमा सिमित हुँन पुगेपछि टिम निराश हुँन पुग्यो ।

न्युजिल्याण्डको उत्कृष्ट बलिङ् सामु भारत सुरुवात अबस्थामानै दबाबमा आएको थियो । ३.१ ओभरमा टिमले मात्र ५ रन बनाउँदा सुरुवाती महत्वपुर्ण ब्याट्सम्यानलाई टिमले गुमाउन पुग्यो । जसमा रोहित शर्मा , लोकेश राहुल र कप्तान बिराट कोहली समान १/१ रनमा आउट हुन पुगे ।

यसपछि भारतको विकेट जाने क्रम रोकिएन ९.६ ओभरमा दिनेश कार्तिक पनि ६ रन बनाएर पभेलियन फर्किएपछी टिम अझ दवाबमा आएको थियो

टिमको स्कोर २४ रन हुँदा ४ विकेट गुमाएको भारतलाई रिशभ पन्त र हार्दिक पान्डेयले केही उकास्न खोजेका थिए । पाँचौ विकेटका लागि यी दुई खेलाडीबिच ४७ रनको साझेदारी हुन पुगेको थियो ।

ईनिङको २०.५ ओभरमा टिमले रिषभ पन्तलाई ब्यक्तिगत ३२ रनमा टिमले गुमाएपछि खेल न्युजिल्यान्डले आफ्नोतर्फ लगेको थियो । रिषभ पन्त आउट भएसँगै हार्दिक पान्डेय पनि दुभाग्यपुर्ण ३२ रनमा आउँट हुन पुगे ।

तर यसपछि महेन्द्र सिँह धोनी र रबिन्द्र जडेजाले उत्कृष्ट ब्याटिङ गर्दै खेललाई फर्काईदिएका थिए । यी दुईबिच सातौ विकेटका लागि ११६ रनको साझेदारी हुदै टिमलाई जित नजिक पुर्याएका थिए ।

सातौ विकेटका रुपमा रबिन्द्र जडेजा ७७ रन बनाएर आउँट हुन पुग्दा टिमको आशा सकिएको अनुभूति भएको थियो र उनी आउट् भएपछी महेन्द्र सिँह धोनी पनि ५० रन बनाएर आउट हुन पुगेपछी भारतको आशा सकिएको थियो ।

बलिङतर्फ न्युजिल्यान्डका म्याट हेनरीले सर्बाधिक ३ तथा बोक्ट र मिचेल सार्टनरले समान २/२ विकेट लिएका थिए । भने लांकी फज्युसन र जेम्स निशमले पनि १/१ विकेट हात पारे ।

त्यसअघि म्यानचेस्टरमा मंगलबार भएको खेलमा न्युजिल्यान्डले टस जितेर सुरुमा ब्याटिङ गर्ने क्रममा ४६.१ ओभरमा ५ विकेट गुमाउँदा २ सय ११ रन बनाएको अबस्थामा मैदानमा वर्षा हुन् पुगेपछि खेल रोकिएको थियो । यसपछि निरन्तर रुपमा खेललाई सूचारु गर्ने कोशिश भएपनि खेल हुन् सकेन र त्यसलाई बुधवार निरन्तरता दिएको थियो ।

जसअनुसार न्युजिल्याण्डले निर्धारित ५० ओभर पुरै खेल्दै ८ विकेटको क्षतिमा २ सय ३९ रन बनाएको थियो ।

न्युजिल्यान्डका रोस टेलरले सर्बाधिक ७४ रनको पारी खेलेका थिए । ९० बलको सामना गरेका उनले ३ चौका र १ छ्क्काको मद्दतमा उक्त रन बनाएका थिए ।

यस्तै कप्तान केन विलियमसनले पनि उत्कृष्ट ब्याटिङ गर्ने क्रममा ६७ रनको योगदान गरे । ९५ बलमा उनले ६ चौका समेत प्रहार गरेका थिए ।

उनले ९० बलमा तीन चौका र १ छक्का प्रहार गरे । मिचेल सान्टनार ९ र टेन्ट बोल्टले ३ रन जोडे । म्याट हेन

मंगलबार बर्षाले खेल रद्ध हुनुअघि कप्तान केन विलियमसनले ६७ रनको योगदान दिए । ३६ औं ओभरको दोस्रो बलमा युजभेन्द्र चहलले रविन्द्र जडेजाबाट क्याच आउट गराउनु अघि विलियमसनले ९५ बलमा ६ चौका प्रहार गरे ।

यस्तै हेनरी निकोलसले ५१ बलमा २ चौका सहित २८ रनको योगदान टिमलाई दिएका थिए ।

बलिङतर्फ भारतका लागि भुवनेश्वर कुमारले सर्बाधिक ३ विकेट हात पारे । भने जसप्रित बुमराह,हार्दिक पान्ड्या,रविन्द्र जडेजा र युजभेन्द्र चहलले पनि समान १ /१ विकेट लिन सफल भए ।

अब न्युजिल्यान्डले फाइनलमा बिहिवार हुने अष्ट्रेलिया र ईङल्यान्ड बिचको दोस्रो सेमिफाइनलको विजेतासँग प्रतिश्पर्दा गर्नेछ । फाइनल खेल आउँदो आईतवार लन्डनमा हुँनेछ ।