असार २५ ,अनलाईन खेलखबर ।। मलेसियामा सम्पन्न एसीसी यू-१९ इस्टर्न रिजन क्रिकेट प्रतियोगिताको च्याम्पियन नेपाली टोली आज स्वदेश फिर्ता हुँदैछ ।

मंगलबार प्रतियोगिताको फाइनल खेलमा हंगकंगलाई ६ विकेटले पराजित गर्दै लगातार दोस्रो पटक उपाधि उचालेको नेपाली टोली आज राति करिव साढे ९ बजे नेपाल आईपुग्नेछन ।

कुल ७ राष्टको सहभागिता रहेको प्रतियोगितामा नेपालको शानदार प्रदर्शन रहेको थियो । अपराजित रहँदै प्रतियोगिताको उपाधि उचालेको नेपालले समूह चरणमा चीनलाई १० विकेटले पराजित गरेको थियो भने दोस्रो खेलमा सिगापुरलाई २ सय १७ रनले निराश बनाएको थियो ।

समूह ‘ए ‘ मा रहेको नेपालले समूह चरणमा उत्कृष्ट प्रर्दशन गर्दै समूह विजेता बन्दै सेमिफाइनलमा आयोजक मलेसियासँग प्रतिष्पर्दा गरेको थियो । जहाँ नेपालले आफ्नो उच्च लयलाई यथावत राख्ने क्रममा मलेसियालाई पनि ७ विकेटले पराजित गरेको थियो ।

प्रतियोगिताको उपाधि उचालेको नेपाल आगामी अगस्ट २८ देखि सेप्टेम्बर ८ तारीखसम्म श्रीलंकामा हुँन गईरहेको एसिया कपको लागि छ्नोट समेत भएको छ ।
आज स्वदेश फर्किने टिममा कप्तान रोहित कुमार पौडेल र पवन सरार्फ अनुपस्थित रहने छन । राष्टिय टिममा समेत रहेका उनिहरु मलेसियामा रहेको राष्टिय क्रिकेट टिममा सिधां मलेसियाबाटै जोडिएका छन ।

राष्टिय टिम अहिले मलेसियामा रहेको छ । जहाँ नेपालले मलेसियासँग २ अन्तराष्टिय टी -ट्वान्टी खेल खेल्ने कार्यक्रम रहेको छ । मलेसियासँगको पहिलो खेल यहिँ आउँदो जुलाई १३ तारिखमा हुँनेछ । भने दोस्रो खेल १४ तारिखमा हुँनेछ ।

यसपछि नेपाल मलेसियाबाटै जुलाई २० देखि २८ तारिख सम्म सिगापुरमा हुने विश्वकप छनोट प्रतियोगिता खेल्न सिगाँपुर प्रस्थान गर्नेछ ।