बैशाख ७ ,अनलाईन खेलखबर ।। बिश्वको सबैभन्दा चर्चित तथा ठुलो क्रिकेट प्रतियोगिता ईण्डियन प्रिमियर लिग ( आईपिएल ) अन्तर्गत सनिवार राति सम्पन्न प्रतियोगिताको ३७ औँ खेलमा दिल्ली क्यापिटल्सले किग्स ईलाभेन पंजावलाई ५ विकेटले पराजित गरेको छ ।

खेलमा १ सय ६४ रनको सम्मानजनक बिजयी लक्ष्य पछ्याउदै जवाफी ब्याटिंङ्ग गरेको दिल्लीले शिखर धवन र कप्तान श्रेयस अय्यर बिच दोस्रो विकेटका लागि ९२ रनको साझेदारी हुन् पुगेपछि दिल्लीले पंजावमाथि जित निकालेको हो । १९.४ ओवरमा ५ विकेट गुमाएर लक्ष्य भेट़ाएको दिल्लीले पहिलो विकेटका लागि पृवि शालाई १३ रनमा टिमको स्कोर २४ रन हुदाँ गुमाएको थियो । यसपछि शिखर धवन ५६ रन बनाएर आउट हुन पुगे ।

४१ बलको सामना गरेका उनले ७ चौका र १ छक्काको मद्दतमा उक्त रन बनाएका थिए । यसपछि रिशब् पन्त ६ रन बनाएर पभेलियन फर्किएका थिए । उनि आउट हुन भएपछी कोलिन इंङ्गग्रामले १९ रन जोडे ।

यस्तै दिल्लीको जितमा कप्तान श्रेयस अय्यरले ५८ रनको योगदान गरे ।

बलिङमा पंजावका लागि हार्डस विलोजेनले २ विकेट लिए भने मोहम्मद शामिले १ विकेट लिए ।

यसअघि दिल्लीको घरेलु मैदान फ़िरोज़ शाह कोटलामा जारि खेलमा दिल्लीले टस जितेर पहिले फ़िल्डिङ्ग गर्ने निर्णय गरेको थियो । टस हारेर पहिले ब्याटिंङ्ग गरेको पन्जावले निर्धारित २० ओवर पुरै खेल्दै ७ विकेट गुमाएर १ सय ६३ रन बनाउँन सफल भयो ।

पंजावका लागि क्रिस गेलले सर्बाधिक ६९ रनको पारि खेले । ३७ बलको सामना गरेका उनले ६ चौका र ५ छक्काको मद्दतमा उक्त रन बनाएका थिए । राम्रो लयमा देखिएका क्रिस गेल सन्दिप लामिछानेको बलमा क्याच आउट हुन् पुगेका थिए । यस्तै टिमका लागि मन्दिप सिहले ३० तथा लोकेश राहुलले १२ र आश्विनले १६ रनको पारि खेले ।

बलिङ्ग तर्फ नेपालका युवा क्रिकेटर सन्दिप लामिछानेले आज निकै राम्रो बलिङ्ग गरे । आफ्नो ४ ओवरको स्पेलमा उनले ४० रन खर्चिएर महत्वपुर्ण ३ विकेट लिएका थिए । यो सगै उनले जारी प्रतियोगितामा आफ्नो विकेट सङ्गख्या ८ पुराएका छन । आज उनले ईनिङ्गको दोस्रो , चौथो , १३ औं र १५ औ ओवर बलिङ्ग गरेका थिए ।

आफ्नो ब्यक्तिगत पहिलो ओभर लिएर आएका सन्दिपले पहिलो बलमा नै केएल राहुलबाट छक्का खाएका थिए । तर त्यसपछि डट फालेका सन्दिपले तेस्रो बलमा चौका खाए । चौथो बलमा सन्दिपले टिमका लागि पहिलो सफलता दिलाउने क्रममा राहुललाई आउट गराएका थिए , पाचौ बलमा डट गरे भने अन्तिम बलमा १ रन खर्चिदै पहिलो ओवरमा १४ रन खर्चिएका थिए । यस्तै दोस्रो ओवरमा उनले १६ रन खर्चिए ।

यसपछि सफल ओवर साबित भएको सन्दिपको तेस्रो ओवरमा उनले ६ रन खर्चिएर महत्वपुर्ण २ विकेट चट्काएका थिए । ओवरको पहिलो बलमा छक्का बाट सुरुवात भएपनि दोस्रो बलमा उनले आक्रमक ब्याटिंग गरिरहेका क्रिस गेललाई आउट गराए । यसपछि सोहि ओवरको अन्तिम बलमा
सैम कर्रनलाई सुन्य रनमा पभेलियन फर्काईदिएका थिए । र आफ्नो अन्तिम ओवरमा उनले मात्र ७ रन खर्चिए । यो ओवरमा सन्दिपले एउटा अर्को विकेट लिने मौका सिर्जना गरेका थिए । मन्दिप सिंहले प्रहार गरेको बललाई रावाडाले क्याच आउट गर्न चुके ।

यस्तै दिल्लीका लागि रबाडाले र एक्सर पटेलले समान २/२ विकेट लिए ।