भदौ २९ , अनलाईन खेलखबर || भारत मा जारी नेपाल अफगानिस्तान भारत “ए ” र बि सम्मलित एकदिवसीय सिरिज को दोस्रो खेल मा पनि नेपाली यु -१९ क्रीकेट टोलि पराजित भएको छ ।

पहिलो खेल मा भारत यु -१९ ” बि ” टिम सगँ ४० रनले पराजित भएको नेपाल आज पनि आफ्नो दोस्रो खेलमा भारत यु -१९ ” ए ” सगँ ८ बिकेट ले पराजित हुन पुगेको छ ।

भारत को लखनउ स्थित नवनिर्मित एकना अन्तर्राष्ट्रिय क्रिकेट मैदानमा टस जितेर पहिले ब्याटिङ गर्ने निर्णय गरेको नेपालले ४५.५ ओवरमा अलआउट हुँदै मात्र १ सय ५६ रन बनाएको थियो ।

सुरुवात देखि नै खराब लय मा देखिएको नेपाल ले २३ रन बनाउदाँ ३ बिकेट गुमाईसकेको अवस्था थियो । यसपछि ओपनर तृतराज दास र सन्दिप जोहरा ले पारी लाई उकासेका थिए दास ले ४६ रन बनाए भने सन्दिप जोहराले ६६ रनको पारि खेलेका थिए । यस्तै भिमले २८ रन को योगदान गरे ।

बलिग तर्फ भारत का लागि वाईडी मंगवानी र अजय गौडले समान ४/४ विकेट लिएका थिए ।

१ सय ५७ रनको बिजयी लक्ष्य लिएर जवाफी ब्याटिङ मा उत्रिएको भारत ” ए ” ले २४.१ ओवर मा मात्र २ बिकेट गुमाएर लक्ष्य भेटायो । भारत को जित मा वाई भी राठोद ले अविजित ४९ रन, कप्तान अनुज रावल ले ४७ रन तथा प्रभसिमरन सिंहको आक्रामक अविजित ४६ रन महत्त्वपूर्ण रहयो ।

सुरुवाती लगातार दुई खेल मा हार ब्यहोरेको नेपाल ले अब तेस्रो खेल आउदो आईतवार अफगानिस्तानसँग खेल्नेछ।