onlinekhelkhabar.com

Complete website for Nepali Sports News

प्यूठान जिल्ला क्रिकेट संघ तदर्थ समिति गठन : अध्यक्षमा तेज बहादुर चयन

कार्तिक २३ (अनलाइन खेल खबर ) । तेजबहादुर पुनको अध्यक्षतामा प्यूठानमा जिल्ला क्रिकेट संघ तदर्थ समिति गठन भएको छ ।

मंगलबार प्यूठानको जुम्रीमा एक कार्यक्रमकाबीच तेजबहादुर पुनको अध्यक्षतामा ११ सदस्य जिल्ला क्रिकेट संघ तदर्थ समिति निर्विरोध रुपमा गठन भएको छ ।

मंगलबार जिल्ला खेलकुद विकास समितिका अध्यक्ष श्याम बहादुर थापाको अध्यक्षतामा बसेको बैठकले ११ सदस्य तदर्थ समिति गठन भएको थियो ।

निर्विरोध रुपमा गठन भएको समितिको उपाध्यक्षमा सन्दीप श्रेष्ठ, सचिवमा जीवन खनाल र कोषाअध्क्षमामा आशिष श्रेष्ठ छन् । त्यस्तै सदस्यहरुमा महेन्द्र वि.क., उमेश घर्तिमगर, मिलन राना, गणेश गिरी, किरण बुढामगर, अमित थापा मगर र हुकुम परियार छन् ।

दुई दशक देखि सक्रिय रुपमा प्यूठानमा क्रिकेट प्रतियोगिता भएपनि संघ नहुँदा जिल्लामै सिमित भएको थियो । योसँगै प्यूठानलाई नेपाल किकेट संघ(क्यान)को जिल्ला सदस्यता पाउनको लागि बाटो खुलेको छ ।

प्यूठानमा ७ गाउँपालिका र २ नगरपालिका रहेका छन् । सबै स्थानिय तहमा क्रिकेट सक्रिय रुपमा रहँदै आएका छन् । गतवर्ष प्रधानमन्त्री कप एकदिवसिय क्रिकेट प्रतियोगिताको लागि प्रदेश खेलाडी छनोट प्रतियोगिता खेल्न प्यूठानले दाङसँग तीन मैत्रीपूर्ण सिरिज खेलेको थियो ।

प्रतिक्रिया दिनुहोस्