एजेन्सी। इन्डियन प्रिमियर लिग ( आईपीएल ) अन्तर्गत आज शुक्रबार अंकतालिकाको पुछारमा रहेका दुई टिम चेन्नई सुपर किंग्स र सनराइजर्स हैदराबाद आमने सामने हुँदै छन् ।

यी दुईबीचको खेल नेपाली समय अनुसार राति पौने ८ बजेपछि दुबई अन्तर्राष्ट्रिय क्रिकेट मैदानमा हुनेछ। हालसम्म समान तीन -तीन खेल खेलका यी दुई टिमले समान १/१ खेल जितेका छन् ।

२ अंकका साथ अंकतालिकाको पुछारमा रहेको चेन्नई सुपर किंग्सले पहिलो खेलमा साविकको विजेता समेत रहेको मुम्बईलाई ५ विकेटले पराजित गरेको थियो। यसरी प्रतियोगितामा सुखद सुरुवात गरेको भएपनि त्यसका दुई खेलमा चेन्नई पराजित हुन् पुगेको थियो ।

चेन्नई दोस्रो खेलमा राजस्थान रोयल्ससँग १६ रन र तेस्रो खेलमा दिल्ली क्यापिटल्ससँग ४४ रनले पराजित हुन् पुगेको थियो । यता अंकतालिकामा २ अंकसहित चेन्नई भन्दा एक स्थान माथि रहेको हैदराबादले सुरुवातका दुई खेल गुमाएको थियो । भने तेस्रो खेलमा जित हासिल गरेको थियो ।

हैदराबाद पहिलो खेलमा बेंगलोरसँग १० रन र दोस्रो खेलमा कोलकतासँग ७ विकेटले पराजित भएको थियो । भने प्रतियोगितामा पहिलो जित निकाल्ने क्रममा हैदराबादले दिल्लीले १५ रनले हराएको थियो ।

यसरी आज दुवै टोली प्रतियोगितामा दोस्रो जितको खोजीमा रहने छन् । जारी प्रतियोगितामा यी दुईबीचको खेललाई हेर्दा पनि खेल टक्कर हुने आंकलन गर्न सकिन्छ ।