onlinekhelkhabar.com

नेपालको डिजिटल खेल पत्रिका

नेक्सस क्रिकेट एकेडेमीको ३८ रनको अग्रता

काठमाडौं ( अनलाइन खेलखबर ) । हिमालय स्पोर्ट्स म्यानेजमेन्टको आयोजनामा काठमाडौंमा जारी दोस्रो संस्करणको हिमालय क्रिकेट लिग (एचसिएल ) को तेस्रो खेलको पहिलो दिनको समाप्तिमा नेक्सस क्रिकेट एकेडेमीले ३८ रनले अग्रता कायम गरेको छ ।

मुलपानी क्रिकेट मैदानमा टस जितेर पहिले ब्याटिङ गरेको नेक्सस क्रिकेट एकेडेमीले पहिलो ईनिङमा ४४.४ ओभरमा अलआउट हुँदै १ सय ३४ रन बनाएको थियो ।

नेक्ससका लागि आकाश चन्दले सर्वाधिक ठूलो योगदान गर्ने क्रममा २१ रन बनाए । यस्तै टिमका लागि ओपनरद्वय विपिन विक्रम शाही र पियान्सु श्रेष्ठले क्रमशः १९ र १५ रन बनाएका थिए ।

भने सन्जोग केसीले २० रन र विशाल बिक्रम केसीले १० रन बनाउँदा बाँकी खेलाडीले उल्लेख्य योगदान गर्न नसक्दा टिम कम स्कोरमा रोकिएको हो ।

बलिङतर्क हिमालय क्रिकेट एकेडेमीका सन्दीप खड्काले ५ तथा प्रकाश कार्कीले ३ र प्रतिश जिसिले १ विकेट लिएका थिए ।

त्यसपछि आफ्नो पहिलो ईनिङ सुरु गरेको हिमालयले पनि निकै खराब ब्याटिङ गर्दै २८.३ ओभरमा अलआउट हुँदै १ सय १७ रन मात्र बनायो ।

उसका लागि रजत तिमल्सिनाले ४५ रन तथा सन्दीप शाहीले २१ र दिपक बोहराले २५ रन बनाउनुबाहेक अन्य खेलाडीले दोहोरो अंक जोड्न नसक्दा टिम निकै कम स्कोरमा रोकिन बाध्य भयो ।

हिमालयको ब्याटिङ ध्वस्त पार्ने क्रममा नेक्ससका नरेन साउद एक्लैले ७ विकेट लिएका थिए । ११ ओभर बलिङ गरेका उनले ३ ओभर मेडन राख्दै ४७ रन खर्चिएर उक्त विकेट लिएका थिए । यस्तै क्रिश कार्कीले २ तथा आकाश चन्दले १ विकेट लिएका थिए ।

त्यसपछि आजनै नेक्ससले आफ्नो दोस्रो ईनिङ सुरु गरेको थियो । वर्षाले गर्दा निर्धारित समय भन्दा केहि समय अगाडी सम्म नेक्सस ५.३ ओभरमा विना विकेटको क्षतिमा २१ रन बनाएको छ । र दोस्रो ईनिङ अन्तर्गत नेक्ससले यहिबाट शनिबार सुरु गर्नेछ ।

प्रतिक्रिया दिनुहोस्