onlinekhelkhabar.com

नेपालको डिजिटल खेल पत्रिका

अन्तर्राष्ट्रिय क्रिकेट रंगशाला निर्माणमा लाग्ने धुर्मुस सुन्तलि को घोषणा

चैत्र १५ , अनलाईन खेलखबर || बरिस्ठ हास्यकलाकार तथा सामाजिक अभियानर्ता सिताराम कट्टेल र कुन्जना घिमिरेको सामाजिक संस्था धुर्मुस सुन्तली फाउन्डेसन नेपालमा अन्तर्राष्ट्रिय क्रिकेट मैदान निर्माण गर्ने भएको छ ।

सामाजिक सन्जाल फेसबुक मार्फत धुर्मुस सुन्तलि ले उक्त कुरा सार्वजनिक गरेका हुन । यस अगि धुर्मुस सुन्तलि ले क्रीकेट स्टेडियम बनाउने चर्चा चल्दै आएको र स्वयम् धुर्मुश सुन्तली ले पनि चासो देखाउका थिए । जसमा उन का भाई कुमार कट्टेल जिग्री पनि यस बिषय मा ठूलो चासो देखाउदै आएका थिए । फलस्वरूप अहिले उनले उक्त ठूलो घोषणा गरेका हुन ।

Photo: YouTube/Dhurmus Suntali

उनले फेसबुक पोस्ट मा भनेका छन “अब विश्वले चिन्नेछ नेपाल, नेपाल भित्रको नेपाल ‘नमुना नेपाल’ निर्माण परियोजनाको सर्बेको काम सकेर मास्टर प्लान, डि.पि.आर. र ई.आई.ए. को प्रकृयामा अघि बढिरहेको बेला चौतर्फि रुपमा बिभिन्न क्षेत्रबाट नेपालमा एउटा अन्र्तराष्ट्रिय स्तरको क्रिकेट मैदान अपरिहार्य रहेको र सो निर्माणको संयोजन पनि तपाईहरुले गरिदिनुपर्यो भनेर एकप्रकारको सुझाव अनि अनुरोध आईरहेकै थियो । हामीलाई दुबै परियोजनालाई अघि बढाउन सकिन्छ कि सकिँदैन भन्ने ठुलो चिन्ता थियो । सबैको ईच्छा, चाहाना मात्र नभई क्रिकेटको स्तर उन्नती अनि खेलाडिहरुको मनोबल बढाउन पनि हामी दुबै चिजलाई अगाडि बढाउने निर्णयमा पुगेका छौं ।”

उनले थप लेखेका छन् “नेपालि क्रिकेटले अन्र्तराष्ट्रिय जगतमा देशको शिर ठाडो बनाएर हरेक नेपालीलाई खुसी दिलाउने मात्र नभई देशकै गरिमा उच्च राख्ने काम गरेको छ । र यो अभियान धुर्मुस सुन्तली फाउण्डेशनको मात्रै नभई राष्ट्रकै अभियान हो । फाउण्डेशनले मात्र निर्माण संयोजन गर्नेछ । यसका लागि छुट्टै ईन्टरनेशनल क्रिकेट स्टेडियम निर्माण समिति बन्नेछ । त्यहि समितिको रोहवरमा ईन्टरनेशनल क्रिकेट स्टेडियम बन्नेछ । हामीले हरेक परियोजना सरकारको समन्वयमै सम्पन्न गर्न सकेका हौं र हाम्रो लक्ष्य, उदेश्य भनेकै सरकारलाई हरेक क्षेत्रमा सघाउनु हो । र यो अभियान नितान्त सरकारलाई सघाउन गरिएको अभियान हो । यसमा नेपाल सरकारले गम्भिरता पूर्वक साथ, सहयोग अनि समन्वय गर्नेछ भन्नेमा हामी विश्वस्त छौं ।”

सबै मिलेर निर्धारित समय भित्रै अन्र्तराष्ट्रिय स्तरको क्रिकेट स्टेडियम बनाउन हामी सक्नेछौं, विश्व चिनाउने अझै धेरै खेलाडिहरु उत्पादन गर्न सक्नेछौ, विश्वभरी नेपालको नाम चम्काउन सक्नेछौं । यसले सिंगो खेल जगतलाई मात्रै लाभ हुने होईन नेपाल लाईनै आर्थिक समृद्धि तर्फ अघि बढाउन पनि महत्वपुर्ण भुमिका खेल्नेछ । किनकी यो एउटा सुन्दर पर्यटकिय गन्तब्य पनि हुनेछ । राष्ट्रिय तथा अन्र्तराष्ट्रिय प्रतियोगीता भईरहँदा विश्व भरीबाट खेलका पारखीहरु अनि खेलाडिहरु नेपाल भित्रिँदा देशलाई महत्वपुर्ण आर्थिक लाभ मात्रै नभएर देशका हरेक महत्वपुर्ण सम्पदाहरुको प्रचार पनि स्टेडियमकै माध्यमले हुनेछ र देशका हरेक क्षेत्र फष्टाउनमा अहम भुमिका खेल्नेछ । त्यसैले यो अभियानमा सबैजना एकजुट भएर लागौं ।

र अन्तमा उनले सम्पूर्ण नेपालि लाई सोधेका पनि छन नेपालीका लागि दुबै परियोजना महत्वपुर्ण छन् नमुना नेपाल अनि क्रिकेट स्टेडियम । अब भन्नुहोस कुन चाँही पहिला ? “”

भखरै जिम्बाबे मा सम्पन्न बिश्वकप छनोट प्रतियोगिता बाट नेपाल ले पहिलो पटक एतिहासिक उपलब्धि एकदिवसिय मान्यता पाए सगै नेपाल मा घरेलु संरर्चना एकदमै कम जोर एकदिवसीय मान्यता पाउँदा सम्म पनि एउटा राम्रो प्रतियोगिता आयोजना गर्न रंगशाला नभएको , बन्दै गरेका निर्माणधिन रंगशाला को काम पनि धेरै नै सुस्त कहिले कहिले बन्ने टुङ्गगो अझै सम्म छैन यस बिच मा यहि कारणले अहिले नेपालमा सामाजिक अभियान्ताको रुपमा उदाएका धुर्मुस-सुन्तलीलाई जनस्तरबाट पनि अब धुर्मुस सुन्तली ले अगाडि आएर एउटा अन्तर्राष्ट्रिय स्तर को रंगशाला बनाउनु पर्छ भन्ने दबाब तथा सुझाव ले गर्दा पनि अहिले धुर्मुस सुन्तलि फाउन्डेसन अगि सरेको छ ।

यस अगि धुर्मुस सुन्तली फाउन्डेसन ले भुकम्प पछि काभ्रे को डाडाँ गाउँ मा एकीकृत नमुना पहरी बस्ती , यस्तै सिन्धुपाल्चोक को गिरान्चौर मा एकीकृत नमुना बस्ती र तराई मधेस को महोत्तरी को बर्दिवास-१ मा एकीकृत नमुना मुसहर बस्ति यस्तै हाल चालै सन्तिपुर बस्ती निर्माण गरिसकेका छन । यसरि नै उनि हरु सामाजिक कार्य मा लागिपरिरहेका छन् ||

हेर्नुहोस उनको यो पोस्ट

प्रतिक्रिया दिनुहोस्