onlinekhelkhabar.com

नेपालको डिजिटल खेल पत्रिका

पाँच पोखरी क्रिकेट क्लबले उचाल्यो जितबहादुर खडका स्मृति पाँचपोखरी सुपर आठ क्रिकेट प्रतियोगिता को उपाधी

मङ्सिर २ ,अनलाईन खेलखबर || सिन्धुपाल्चोक जिल्ला मा भएको जिल्ला स्तरिय जितबहादुर खडका स्मृति पाँचपोखरी सुपर एट क्रिकेट प्रतियोगिता को उपाधी आयोजक पाँचपोखरी क्रिकेट क्लबले उचालेको छ ।

फोटो सौजन्य : क्रीकेट हिमालय

प्रतियोगिता को फाइनल खेलमा आज क्रीकेट क्लव बार्हबिसेलाई ५ विकेटले पराजित गर्दै पाचपोखरी क्रीकेट क्लव च्याम्पियन बनेको हो।

फाइनल खेलमा टस जितेर पहिले ब्याटिङ गर्ने निर्णय गरेको बार्हबिसे ले ५ ओवर भित्र आफ्ना सबै बिकेट गुमाएर मात्र ३६ रन बनाउन सफल भएको थियो । बार्हबिसे का लागी राकेस श्रेष्ठले सर्बाधिक १४ रन बनाउनु बाहेक अन्य ब्याट्सम्यान ले उल्लेख योगदान गर्न नसकेपछि टिम सस्तै मा समिटिएको थियो ।

बार्हबिसे लाई कम स्कोर मै रोक्न पाँचपोखरि का बिजय धितालले महत्त्वपूर्ण ३ विकेट लिएका थिए । यस्तै अजय देउजा , राजु धिताल र महेस धिताल ले समान १/१ विकेट लिन सफल भए ।

यसपछि ३७ रनको झिनो लक्ष्य पछ्याउदै जवाफी ब्याटिङ मा उत्रिएको च्याम्पियन पाँचपोखरी ले सहज जित निकाल्यो । टिम लाई उपाधी दिलाउन राजु धिताल ले १३, राजन धिताल ले ८, र महेस देउजाको ६ रनको योगदान गरेका थिए ।

खेलको म्यान अफ दि म्याच पाँचपोखरी क्रिकेट क्लबका बिजय धिताल घोषित भए ।

प्रतियोगिता को उपाधी उचालेको पाँचपोखरी क्रिकेट क्लबले नगद रु ५० हजार, ट्रफी, मेडल सहित प्रमाणपत्र प्राप्त गर्यो । भने उप बिजेता क्रिकेट क्लब बार्हबिसेले नगद रु ३० हजार, ट्रफी, प्रमाणपत्र र मेडल मा चित्त बुझायो ।

यस्तै प्रतियोगिताको उत्कृष्ट ब्याट्सम्यान भोटाङ छ्वलिङ क्रिकेट क्लबका रमेस तामाङ भए उनले प्रतियोगिता भर १ सय ४२ रन बनाएका थिए । यस्तै उत्कृष्ट बलर प्रतियोगिता भर १० बिकेट लिईका पाँचपोखरी क्रिकेट क्लबका अजय धिताल घोषित भए ।

यस्तै प्रतियोगिताको उत्कृष्ट खेलाडी पाचपोखरी क्रिकेट क्लबका बिजय धिताल घोषित भए भने इमर्जिङ प्लयेर थाङपालधाप क्रिकेट क्लबका सार्थक धिताल भए । रमेस तामाङ, अजय धिताल, बिजय धितालले वाइ वाइ जि एच सि ए, काठमाडौमा १ बर्ष निशुल्क क्रीकेट तालिम को सुबिधा प्राप्त गर्नेछन भने सार्थक धितालले नेक्सस क्रिकेट एकेडमी, दिल्लिमा निसुल्क १ बर्ष तालिमको सुबिधा प्राप्त गर्नेछन ।

पाँचपोखरी क्रिकेट क्लब, सिन्धुपाल्चोक को आयोजना तथा पाँचपोखरी थाङपाल गाउपालिका को सहयोगमा यो प्रतियोगिता भएको थियो । जहाँ ९ स्थानिय टोली को सहभागिता रहेको थियो ।

प्रतिक्रिया दिनुहोस्