onlinekhelkhabar.com

नेपालको डिजिटल खेल पत्रिका

क्रिकेटर पवन दास कोरोना मुक्त

काठमाडौं (अनलाइन खेल खबर )। उमेर समूहमा नेपाली राष्ट्रिय टोलीको प्रतिनिधित्व गरेका सप्तरीका क्रिकेट खेलाडी पवन दास कोरोना भाइरस ( कोभिड-१९ ) बाट मुक्त भएका छन् ।

साउन तेस्रो हप्तामा उनलाई कोरोना सक्रमण पुष्टि भएको थियो । त्यसपछि होम क्वारेन्टाइनमा बसेका दासले बिहिबार कोरोना भाइरसलाई जितेका हुन् । यस्तै उनिसँगै सक्रमित भएका उनको बुबा र छोराछोरी पनि यस भाइरसबाट मुक्त भएका छन् ।

पवनले सन् २००२ मा यु -१५ र सन् २००४ मा यु -१७ राष्ट्रिय टोलीको प्रतिनिधित्व गरेका थिए।बायाँ हाते ब्याट्सम्यान दासले सन् २००२ मा भएको यु -१५ एसिया कपमा बंगलादेशविरुद्ध ६३ रन तथा भारतसँगको खेलमा २९ रन बनाएका थिए ।

उक्त प्रतियोगितामा नेपालले सेमीफाइनल सम्मको यात्रा तय गरेको थियो । सेमिफाइनलमा भने नेपाल पाकिस्तानसँग २७ रनले पराजित हुँदै प्रतियोगिताबाट बाहिएको थियो ।

राम्रो प्रदर्शन गरेका कारण दास २००२ मा यु १५ एसिया कपको एसीसीले घोषणा गरेको ड्रिम टिममा समेत परेका थिए ।

प्रतियोगितामा उनले कुल ८ खेल खेल्दै २ सय ९ रन बनाएका थिए। ड्रिम टिममा उनिसँगै नेपालबाट राज श्रेष्ठ, पारस खड्का र शरद भेसावकर समावेश भएका थिए ।

प्रतिक्रिया दिनुहोस्