onlinekhelkhabar.com

नेपालको डिजिटल खेल पत्रीका

क्रिकेट

नेपाल जिततर्फ अग्रसर : कप्तान ज्ञानेन्द्र मल्ल अर्धशतक नजिक

काठमाडौं ( अनलाइन खेलखबर ) । थाईल्याण्डमा जारी एसीसी इस्टर्न रिजन टि – ट्वान्टी क्रिकेट प्रतियोगिताको आफ्नो पहिलो खेलमा नेपाल जित नजिक पुगेको छ ।

प्रतियोगिताको दोस्रो खेल तथा टिमको पहिलो खेलमा मलेसियाले प्रस्तुत गरेको १ सय ५५ रनको विजयी लक्ष्यलाई पछ्याउँदै जवाफी ब्याटिङ गरिरहेको नेपाल यो समाचार तयार पार्दा सम्म १६ ओभरमा मात्र ४ विकेट गुमाएर १ सय ११ रन बनाईसकेको छ ।

अहिले मैदानमा टिमका कप्तान ज्ञानेन्द्र मल्लले ३८ रन बनाएर खेलिरहेका छन् । भने उनलाई विनोद भन्डारीले साथ दिईरहेका छ्न ।

यसअघि टिमले पारस खड्कालाई ९ रन तथा दीपेन्द्र सिंह एरिलाई ३८ रन , पवन सरार्फलाई १३ रन र ओपनर ब्याट्सम्यान कुशल मल्ललाई शून्य रनमा गुमाएको थियो ।

त्यसअघि एसियन ईन्स्टिच्युट अफ टेक्नोलोजीको क्रिकेट मैदान बैंककमा जारी खेलमा टस जितेर पहिले ब्याटिङ गरेको मलेसियाले निर्धारित २० ओभर पुरै खेल्दै ६ विकेट गुमाएर १ सय ५४ रन बनाएको थियो ।

मध्यम योगफल बनाउँने क्रममा मलेसियाको सुरुवात पनि त्यती सन्तोषजनक हुन सकेको थिएन ।

तेस्रो ओभरको दोस्रो बलमा टिमको स्कोर १५ रन हुँदा ओपनर तथा टिमका भरपर्दा ब्याट्सम्यान विरनदिप सिंहलाई ब्यक्तिगत ३ रनमा गुमाएको मलेसियाले त्यसपछि सोही ओभरको तेस्रो बलमा अर्का ब्याट्सम्यान खिजर हायतलाई शून्य रनमा गुमाएको थियो ।

दुबैलाई सन्दीप लामिछानेले पभेलियनको बाटो देखाईदिएका थिए ।

दुई ब्याट्सम्यानलाई सस्तैमा गुमाएपछी टिमलाई अनवर र अहमद फैजले सम्हालेका थिए । यी दुईबीच तेस्रो विकेटका लागि ३८ रनको साझेदारी हुन पुगेको थियो ।

८.५ ओभरमा टिमको स्कोर ५३ रन हुँदा तेस्रो विकेटका रुपमा आउट हुन पुगेका अनवरले ३१ रनको योगदान गरे ।

त्यसपछि टिमका लागि फैज ३० रन बनाएर आउट भएपछी मलेसियाले अन्त्यतिर अर्को एक राम्रो साझेदारी पायो ।

सैयद अजिज र अमिनुदिनले छ्ठौं विकेटका लागि ६३ रनको साझेदारी गरेपछी टिम सम्मानजनक स्कोरतर्फ पुग्न सफल भएको थियो ।

जसमा सैयदले अविजित रह्दै ५१ रन बनाए । ३५ बलको सामना गरेका उनले ४ चौका र २ छ्क्कासहित उक्त रन बनाउँदा अमिनुदिनले २९ रनको योगदान गरे ।

बलिङतर्फ नेपालका सन्दीप लामिछानेले ३ तथा अभिनाश बोहराले २ र करन केसिले १ विकेट हात पारे ।

प्रतिक्रिया दिनुहोस

LEAVE A RESPONSE

Your email address will not be published. Required fields are marked *