onlinekhelkhabar.com

नेपालको डिजिटल खेल पत्रिका

अष्ट्रेलियासँग भारतको लज्जास्पद हार

एजेन्सी – भारत भ्रमणमा रहेको अष्ट्रेलियाले ३ खेलको एकदिवसीय सिरिजको पहिलो खेलमा घरेलु टोली भारतमाथि सानदार जित हासिल गर्न सफल भएको छ ।

मंगलबार भएको खेलमा अष्ट्रेलियाले जित हासिल गर्ने क्रममा घरेलु टोली भारतमाथि १० विकेटले विजयी भएको हो ।

खेलमा भारतले प्रस्तुत गरेको २ सय ५६ रनको चुनौतीलाई अष्ट्रेलियाले ३७.४ ओभरमा विना विकेटको क्षतिमा पूरा गर्यो ।

भारतमाथि सानदार जित हासिल गर्ने क्रममा आरोन फिन्च र डेविट वार्नरको ओपनिङ जोडीनै प्रयाप्त बन्यो ।

जसमा डेविट वार्नर र आरोन फिन्चले शतकीय पारी खेल्न सफल भए । ११२ बलको सामना गरेका वार्नरले १७ चौका र ३ छ्क्कासहित १२८ रनमा सिमित हुन पुगे ।

यस्तै फिन्चले पनि अविजित रहँदै ११० रनको योगदान गरेपछी भारतले घरेलु भुमिमै लज्जास्पद हार ब्यहोर्न बाध्य भयो ।

त्यसअघि वानखेडे रंगशाला मुम्बईमा भएको खेलमा टस जितेर पाहुना टोली अष्ट्रेलियाले भारतलाई पहिले ब्याटिङको निम्तो दिएको थियो ।

जसअनुसार भारत ४९.१ ओभरमा अलआउट हुँदै २ सय ५५ रनमा सिमित हुन पुगेको थियो ।

ईनिङको ४.३ ओभरमा ओपनर ब्याट्सम्यान रोहित शर्मालाई ब्यक्तिगत १० रनमा गुमाएको भारतको ईनिङलाई त्यसपछि शिखर धवन र विकेट किपर ब्याट्सम्यान लोकेश राहुलले सम्हालेका थिए ।

यी दुई ब्याट्सम्यानबीच दोस्रो विकेटका लागि १ सय २१ रनको साझेदारी हुन पुगेको थियो । जसले गर्दा टिमको ईनिङलाई बढाउन ठूलो भूमिका निर्वाह गर्यो ।

२७.१ ओभरमा टिमको स्कोर १३४ रनमा टिमले दोस्रो विकेटको रुपमा लोकेशलाई ४७ रनमा गुमाएको थियो ।

६१ बलको सामना गरेका उनले उक्त पारी खेल्ने क्रममा ४ चौका प्रहार गरे ।

लोकेश पछि शिखर पनि ७४ रन बनाएर आउट हुन पुगे । ९१ बलको सामना गरेका उनले ९ चौका र १ छ्क्काको मद्दतमा उक्त रन बनाएका थिए ।

तेस्रो विकेटपछि टिमका लागि कप्तान विराट कोहलिले १६ रन , रिषभ पन्तले २८ तथा रविन्द्र जडेजाले २५ रनको योगदान गरे ।

बलिङतर्फ अष्ट्रेलियाका मिशेल स्टार्कले सर्वाधिक ३ तथा पैट कमिंस र केन रिचर्डसनले समान २/२ विकेट हात पारे । भने एडम जम्पा र एश्टन अगर पनि १/१ विकेट लिए ।

अब सिरिजको दोस्रो खेल शुक्रबार राजकोटमा हुनेछ ।

प्रतिक्रिया दिनुहोस्